Tahiri kërkon nga deputetët që të veprojnë shpejtë për Projektligjin për Rimëkëmbje Ekonomike

Zëvendëskryeministri Besnik Tahiri i është drejtuar deputetëve të Kuvendit të Kosovës.

Tahiri tha se duke e ditur se jemi në përballje e sipër me një vit sfidues, pandemia ka afektuar thuajse secilin dimension të jetës publike, sociale e qytetare.

Ai shprehet në Facebook se Projektligji për Rimëkëmbje Ekonomike s’është zgjidhje për të gjitha efektet negative, por se është forma më e mirë e rifreskimit ekonomik.

Postimi i plotë:

Të nderuar deputet të Kuvendit,

Duke e ditur se jemi duke u përballur me një vit sfidues, pandemia ka afektuar pothuaj secilin dimension të jetës publike, sociale e qytetare.

Si për çdo gjendje sfiduese, aty ku ka konsensus politik në vendimmarrje, aty shoqëria, qytetarët, publiku, e ndjejnë një siguri më të madhe.

Andaj nuk them se Projektligji për Rimëkëmbje Ekonomike, është zgjidhje për të gjitha efektet negative me te cilat po përballemi, mirëpo më duhet të theksoj se Projektligj:

Është forma më e mirë e rifreskimit ekonomik;

Siguron mjete financiare, kur shumë operator ekonomik janë në mungesë të tyre;

Rritë fuqinë blerëse, e me këtë mbështet edhe mirëqenien;

4.Përkrahë disa dimensione të ndjeshme, siç është ndërmarrësia;

Siguron vazhdimësi dhe qëndrueshmëri në realizimin e planeve, projekteve, e me këtë edhe një shteg për bizneset sektoriale, të cilat mund të dekurajohen dhe ulin caqet e tyre, duke ulur edhe performancën dhe përfshirjen.

Gjithashtu ky projektligj përkrah kategori të veçanta, të cilat janë të prekura skajshmërisht.

Pra, ju ftoj që sot të veprojmë shpejtë, të përfshijmë propozimet, t’i harmonizojmë ato, dhe të marrim vendime.

Jam i bindur se nëse nuk e bëjmë këtë shpejtë dhe si duhet, pagat që i marim në kohë pandemie, do të mund të cilësohen si ”dëm” ekonomik!

Faleminderit për vëmendjen tuaj.

(Kosova Sot Online)