Lexoni edhe:
Situata e koronavirusit: Ky shtet rikthen izolimin total, ja sa javë do zgjasë
Zogjtë e ngordhur përmbytin shtetin amerikan, arsyeja është një mister
Biologët nga New Mexico lëshuan alarmin pasi mijëra zogj të ngordhur u gjetën kohët e fundit.
Profesorja e Universitetit Shtetëror të New Mexico, Martha Desmond, tha për mediat lokale se arsyeja e ngordhjes masive ishte një mister, por që mund të kishte lidhje me tymin e zjarrit ose motin e ftohtë.
“Numri i zogjve të ngordhur tani mund të jetë në miliona,” tha ajo.
Shkencëtarët kanë raportuar se popullatat e zogjve të Amerikës së Veriut kanë rënë masivisht në vitet e fundit.
Biologët shtetërorë u kanë kërkuar njerëzve që t’i raportojnë nëse vërejnë zogj të ngordhur për kërkime të mëtejshme.
Sipas dëshmitarëve, disa zogj, përfshirë zogjtë shtegtarë, dallëndyshet dhe zogjtë blu, u sollën çuditshëm para se të ngordhnin.
“Është shkatërruese. Unë nuk mendoj se kam parë ndonjëherë diçka kaq të tmerrshme në jetën time”, tha Desmond për KRQE-TV.
Shtetet fqinje jugperëndimore të tilla si Colorado, Arizona dhe Teksasi gjithashtu raportuan një rritje të numrit të ngodhjes së shpendëve.
Tymi nga zjarret në pyje mendohet se ka kapur mushkëritë e zogjve ose i ka detyruar ata të ndryshonë rrugët e migrimit.
Mund të jetë faji edhe reshjet e fundit të borës në Kolorado, tha Desmondi, duke shtuar se ata nuk do të dinë më shumë derisa të studiojnë kufomat e kafshëve.
Ndërkohë, Shërbimi Pyjor i SHBA-së në Parkun Kombëtar të Santa Fesë ka apeluar për ndihmë publike.
“Ngordhja e pashpjegueshme e zogjve shqetëson shumë biologët e botës së egër”, tha Shërbimi Pyjor dhe u kërkoi njerëzve të mbledhin të dhëna për zogjtë që i gjejnë.
(Kosova Sot Online)
