Lexoni edhe:
Kush është Tienmu Ma, këshilltari i Kurtit të cilin ministria e Veliut po e përzë nga Kosova
Thaçi: Kurti më tha nuk kam njeri që i besoj, Glaukun e mbaj në distancë
Presidenti i Kosovës, Hashim Thaçi, ka thënë se i ka propozuar Albin Kurtit sa ishte kryeministër i Kosovës, që këshilltari i tij Bekim Qollaku dhe Glauk Konjufca të punojnë së bashku për dialogun. E sipas Thaçit, Kurti ka thënë se nuk i beson Glakutu, madje e mban në distancë.
“Sa i përket takimit me Kurtit, ekziston transkripti. Mediat mund ta marrin”, është shprehur Thaçi.
Thaçi tregon se propozoi një bashkëpunim në mes të Qollakut dhe Konjufcës, por një gjë të tillë e kundërshtoi Kurti.
“Unë i kam propozuar që Bekim Qollaku të komunikojë me dikën të afërt. Ai tha se unë nuk kam njeri kaq të afërt që i besoj, ai tha se unë punoj veç vet”, ka thënë Thaçi.
“Unë i thash ju lumtë sepse unë nuk mund të punoj pa ekipë. Por, leje Glaukun meqë është i afërt me ju. Ai më tha se “Ti e di i kujt është ai”. Tha unë e mbaj në distancë”, shtoi Thaçi.
(Kosova Sot Online)
