Gjendja e pacientëve me Covid-19 që po trajtohen në QKUK dhe në spitalet rajonale
175 pacientë po trajtohen për Covid-19 në Qendrën Klinike Universitare të Kosovës dhe në spitalet rajonale.
Shërbimi Spitalor Klinik Universitar i Kosovës ka njoftuar se 103 prej tyre janë të konfirmuar pozitivë me Covid-19.
Numri më i madh i pacientëve po trajtohen në Klinikën Infektive, gjithsej 55. 45 të tjerë po trajtohen në Klinikën e Pulmologjisë, 7 në Klinikën e Anestezionit dhe 8 pacientë në Klinikën e Pediatrisë.
Sipas njoftimit, 6 pacientë janë të vendosur në respiratorë, 6 në CPAP, ndërsa 107 të tjerë po trajtohen me oksigjenoterapi.
Më poshtë gjeni raportin e detajuar të numrit dhe gjendjes së pacientëve të infektuar me koronavirus, të cilët po trajtohen nëpër klinikat e QKUK-së dhe në spitalet rajonale.
(Kosova Sot Online)
