Lexoni edhe:
Pamje nga pritja e Qeverisë së Kosovës në Tiranë
Presidenti Hashim Thaçi e takon avokatin e ri të popullit
Presidenti Hashim Thaçi e ka takuar sot Naim Qelajn, i cili para pak ditësh u zgjodh në krye të institucionit të Avokatit të Popullit.
Thaçi ka deklaruar se Qelaj i është zotuar atij se do të angazhohet në shërbim të mbrojtjes së të drejtave të qytetarëve.
“Në pritjen që i bëra Avokatit të Popullit, të sapo zgjedhur, Naim Qelaj, diskutuam për punën dhe përgjegjësinë e institucionit që ai do ta përfaqësojë dhe drejtojë brenda mandatit kushtetues. Tashmë institucioni i Avokatit të Popullit ka bërë traditë në mbrojtje të të drejtave të qytetarëve tanë pa dallim politik, etnik dhe religjioz”, tha Thaçi.
“Z. Naim Qelaj, të cilit i urova punë të mbarë, u zotua që do të angazhohet me profesionalizëm, guxim dhe përgjegjësi që përmes besimit të dhënë ta forcojë institucionin e Avokatit të Popullit në shërbim të mbrojtjes së të drejtave të të gjithë qytetarëve”, deklaroi presidenti.
Paraprakisht, Thaçi e ka uruar Qelajn për marrjen e detyrës së re.
(Kosova Sot Online)
