Historia e trishtë e familjes së pronarit të vrarë të ‘Selo Tours’, as një muaj më parë i vdiq vëllai
Për familjen Janjeva, ditët e mërzisë nuk kanë të ndalur.
Pak ditë më parë i vdekuri Janjeva humbi vëllaun e tij më të vogël, Samirin.
Ai vdiq nga një sëmundje e rëndë që po vuante vitet e fundit.
E pa kaluar as një muaj, kësaj familje iu shtua edhe një tjetër mërzi.
Mbrëmë, atyre iu shua edhe tjetri anëtar i familjes. Selatini u vra në mes të rrugës në Novi Pazar.
Motivet ende nuk dihen, derisa mediat kanë publikuar një video ku shihet komplet vrasja.
Trupi i Selatin Janjevës, i cili u vra mbrëmë në Novi Pazar të Serbisë, është sjell në Kosovë. Pronari i kompanisë turistike “Selo Tours” do të varroset sot në varrezat e qytetit në Prishtinë.
Sipas njoftimit nga familjarit, bëhet e ditur se varrimi i tij do të bëhet në orën 17:00.
52-vjeçari nuk ka arritur t’u mbijetojë plagëve në natën e mbrëmshme tragjike, ku i plagosur mbeti baxhanaku i tij.
Rezultatet e para të hetimit tregojnë se dikush gjuajti me armë duke e plagosur njërin në këmbë, e më pas një person i paidentifikuar e vrau Selatin Janjevën.
(Kosova Sot Online)