Lexoni edhe:
Specialja paralajmëron se do ta arrestojë edhe një ish-ushtar të UÇK-së
Komisioni Evropian në raportin e vitit 2020: Kosova duhet të bëjë më shumë përpjekje për marrëveshje me Serbinë
Komisioni Evropian ka publikuar raportin për Kosovën për vitin 2020 ku janë përmendur edhe gjetjet kyçe të tij.
Në këtë raport përmendet edhe dialogu përkatësisht normalizimi i marrëdhënieve me Serbinë.
Aty thuhet se Kosova duhet të bëjë përpjekje të mëtejshme në arritjen e një marrëveshje gjithëpërfshirëse dhe ligjërisht të detyrueshme me Serbinë.
“Në lidhje me normalizimin e marrëdhënieve me Serbinë, dialogu i lehtësuar nga BE-ja rifilloi me takime të nivelit të lartë më 12 dhe 16 korrik dhe 7 shtator 2020. Në Bruksel u zhvilluan një numër takimesh të nivelit të ekspertëve. Kosova duhet të bëjë përpjekje të mëtejshme thelbësore dhe të kontribuojë në arritjen e një marrëveshje gjithëpërfshirëse dhe ligjërisht të detyrueshme me Serbinë. Një marrëveshje e tillë është urgjente dhe e rëndësishme në mënyrë që Kosova dhe Serbia të mund të përparojnë në rrugët e tyre përkatëse evropiane”, thuhet në raportin e progresit për Kosovën të vitit 2020 nga Komisioni Evropian.
(Kosova Sot Online)
