Ish-kryetari i bordit të AKP-së: U shitën 50 hektarë për 5 mijë euro

  • E.K /
  • 15 tetor 2020 - 11:06
Ish-kryetari i bordit të AKP-së: U shitën 50 hektarë për 5 mijë euro

Ish-kryesuesi i Bordit të Drejtorëve të Agjencisë Kosovare të Privatizimit (AKP), Blerim Rexha, ka raportuar para Komisionit hetimor të privatizimit të Kuvendit të Kosovës. Me ç’rast ka treguar se pse në vitin 2013 dha dorëheqje nga kjo pozitë.

Ai tha se një prej arsyeve të dorëheqjes së tij ka qenë shitja e një toke, 1 ari është shitur për 1 euro.

“50 hektarë janë shitur për 5 mijë euro. Kam votu kundër, kam marrë vota që me e ndalë këtë shitje. Ka pasë edhe kësi raste. Nuk kam pranuar me nënshkru me këso kushte. Kam thënë që nuk e nënshkruaj dhe jam larguar”, ka deklaruar Rexha.

Ai ka thënë se atë kohë kishte një fushatë kundër tij dhe jo vetëm në media.

Rexha tha se e ka pranuar detyrën në AKP në një kohë të vështirë me qëllimin ta udhëheqë ndryshe procesin e privatizimit.

Rexha kishte dhënë dorëheqje nga AKP-ja më 16 maj të vitit 2016. 

(Kosova Sot Online)