Lexoni edhe:
Vala e dytë e koronavirusit shpërthen në Evropë, në Kosovë nuk ndalen dasmat
Gjermania shënon rekord të rasteve të reja të koronavirusit për të dytën ditë radhazi
Gjermania e ka shënuar shifrën më të lartë të personave të infektuar me koronavirus për të dytën ditë me radhë me 7.334 raste të reja në 24 orët e kaluara. Të enjten u shënuan 6.294 raste apo mbi 1.000 më pak se sot.
Përpos infektimeve, gjatë kësaj periudhe u regjistruan edhe 24 viktima të reja dhe numri i përgjithshëm i të vdekurve nga pandemia shkoi në 9.734, shkruan The Guardian.
Rekordi i zi erdhi pas takimit të kancelares Angela Merkel me kryeministrat rajonalë të 16 republikave, ku u arrit marrëveshje për rregulla të reja.
Sipas rregullave të reja, qytetet dhe rajonet ku shkalla e infeksionit është duke u rritur shpejt duhet të vendosin kufizim të veprimtarisë nga ora 23 për baret dhe restorantet.
Gjermania është një ndër shtetet evropiane me më së shumti persona të infektuar me virusin e ri, por ka dukshëm më pak viktima se vendet që ndodhen në krye të listës si Britania e Madhe, Spanja, Italia dhe Franca.
(Kosova Sot Online)
