Lexoni edhe:
A do të zbardhjet vetëvrasja enigmatike e ish-drejtorit të Bordit të AKP-së Dino Asanaj nga Komisioni Hetimor për Privatizimin i Kuvendit të Kosovës
Plani i Biden për Kosovën: Basha thotë se asnjë politikan shqiptar nuk duhet të marrë anë në zgjedhjet në SHBA
Gjatë vikendit në media është publikuar plani disa pikësh i kandidatit për president të SHBA-së, Joe Biden për Kosovën.
Për atë që shkruhet në dokumentin e publikuar në media ka folur sot në emisionin e mëngjesit në ABC News kreu i opozitës shqiptare, Lulzim Basha. Kjo intervistë e tij është transmetuar drejtpërdrejtë edhe në Televizionin T7.
Basha ka thënë se nuk ka komentuar asnjëherë dhe nuk do të marrë anë në garën e brendshme në SHBA.
“Nuk kam komentuar dhe nuk komentoj garën e brendshme të kandidatëve të Shteteve të Bashkuara. PD ka ndërtuar në vite marrëdhënie me të dy krahët, edhe me Republikanët dhe me ata të Partisë Demokratike”, ka thënë kreu i PD-së.
Ai ka përmendur vizitën e presidentit Bush në Tiranë, teksa ka folur edhe për marrëveshjen e nënshkruar në Shtëpinë e Bardhë me ndërmjetësimin e presidentit Donald Trump.
“Në pavarësimin e Kosovës e dini mirë vizitën e presidentit Bush në Tiranë edhe më tej me presidentin Obama, ndërkaq para pak muajsh qeveria e Kosovës në administratën Trump ka nënshkruar marrëveshje me Kosovën, administrata Trump i ka kushtuar rëndësi të veçantë Kosovës. Nuk mendoj që është vendi im e asnjë politikani shqiptar që të ndërhyjë në fushatën në SHBA, cilido të jetë fituesi ne duhet të punojmë për të vazhduar bashkëpunimin, e jo nga nevojat personale të lidershipit”, ka thënë ai.
(Kosova Sot Online)
