Lexoni edhe:
Grenell u tregon serbëve në SHBA se kur do ta vizitojë Trumpi Serbinë
Kryetarët e komunave i kërkojnë AVUK-ut të merret me trajtimin e qenve endacakë: Keni marrë miliona euro
Asociacioni i Komunave të Kosovës i ka kërkuar Agjencisë së Ushqimit dhe Veterinarisë që të merret me trajtimin e qenve endacakë.
“Kryetarët e Komunave të Republikës së Kosovës edhe një herë kërkojnë nga Agjencia e Ushqimit dhe Veterinarisë së Kosovës (AVUK) që seriozisht të merret me trajtimin e qenve endacak sepse këtë përgjegjësi me buxhet shtesë në vlerë miliona euro e ka marrë dhe vazhdon ta ketë nga Qeveria e Republikës së Kosovës që nga vitit 2018”, ka njoftuar AKK-ja në Facebook.
AKK-ja shton se kryetarët e komunave ndaras nuk mund ta zgjidhin këtë problem porse duhet të zgjidhet në nivel vendi.
Duke theksuar bazën ligjore e cila e bën AVUK-un përgjegjëse për kujdesin e shëndetit he kontrollimin e kafshëve në Kosovë, “kryetarët e komunave kërkojnë nga AVUK zbatimin e plotë të zotimeve të tyre që burojnë nga projekti disa vjeçar, projekt ky i cili ka planin konkret të veprimit disa vjeçar i përcjellur me buxhet shtesë”.
AKK ka thënë se do të deponojë kërkesë mbi qasjen në dokumente zyrtare në AVUK lidhur me zbatimin e projektit.
(Kosova Sot Online)
