Prishtinasit i humb kuleta, kërkon që t’i kthehen së paku 80 % e parave meqenëse ishin pagat e punëtorëve

  • E.K /
  • 29 tetor 2020 - 14:22
Prishtinasit i humb kuleta, kërkon që t’i kthehen së paku 80 % e parave meqenëse ishin pagat e punëtorëve

Një qytetari nga Prishtina i ka humbur mbrëmë kuleta në rrugën “Muharrem Fejza” në kryeqytet. Për personin që e ka gjetur, ai ka edhe një lutje.

Përmes një postimi në grupin “Network Prishtina”, shoku i tij e ka lutur personin që e ka gjetur që t’ia kthejë së paku 80 përqindëshin e parave, sepse kanë qenë pagat e punëtorëve.

“Pershendetje, mikut tim Kujtim Morina i ka humbur kuleta, ne rrugen Muharrem Fejza, mbreme rreth ores 12.10-12.30 te mesnates, pasi ka pastruar kafiterin e tij. Mundesia qe i ka ra kuleta eshte nga trotuari afer tregut ditor dhe rruges afer Gjithcka 1 euro Hira. Lutja e tij eshte qe te kthehet sepaku 80% i parave qe jane aty, sepse halli tij eshte qe pagat e puntorve i ka pas ne kulet duke u pergadit per te ju japur me te parin”, ka shkruar  ai në këtë grup.

(Kosova Sot Online)