Lexoni edhe:
Dosja Thaçi dhe të tjerët, Smith e do 11 dhjetorin për t’i zbuluar dëshmitë
Ky është moti për dy ditët e ardhshme
Instituti Hidrometeorologjik i Kosovës ka njoftuar se gjatë dy ditëve të ardhshme do të ketë mot me mjegull dhe erëra të lehta.
IHK bën të ditur se temperaturat minimale do të lëvizin ndërmjet -2 deri -2 gradë Celsius, derisa ato maksimalet ndërmjet 6-8 gradë Celsius.
“Situatë e ngjashme meteorologjike do të vazhdojë të mbajë edhe gjatë ditëve vijuese. Kjo si pasojë e masave anticiklonike të stacionuara mbi gadishullin e Ballkanit. Temperaturat minimale do të lëvizin ndërmjet -2 deri -3 gradë Celsius, ndërsa maksimalet e ditës parashihen të lëvizin ndërmjet 6-8 gradë Celsius”, njofton IHK.
Ndërkohë, cilësia e ajrit do të jetë në kufijtë e pashëndetshëm.
“Cilësia e ajrit do të jetë në kufijtë e pashëndetshëm si rrjedhojë e masave pasive të ajrit dhe elementeve tjerë meteorologjikë. Në mëngjes pritet të ketë mjegull, nëpër ultësira dhe rrëzë maleve. Do të fryjë erë e lehtë nga drejtimi i verilindjes”, bëhet e ditur në njoftim.
(Kosova Sot Online)
