Kryeministri Hoti i reagon Haradinajt për hyrjen e Vuçiqit në Kosovë: Vendimet për Qeverinë i marr unë

  • G.G /
  • 26 nëntor 2020 - 13:06
Kryeministri Hoti i reagon Haradinajt për hyrjen e Vuçiqit në Kosovë: Vendimet për Qeverinë i marr unë

Kryeministri i vendit, Avdullah Hoti është pyetur sot para mediave për qëndrimin e Ministres së Punëve të Jashtme, Meliza Haradinajt se presidenti serb, Aleksandër Vuciq nuk do të lejohet të hyjë në Kosovë përderisa nuk kërkon falje për krimet.

Hoti ka thënë se qëndrime të tilla zyrtare i jep vetëm kryeministri.

Ai shton se ka qëndrime të caktuara të ministrave përkatës, por, që duhet të koordinohen.

“Qëndrimet zyrtare të Qeverisë i përfaqësojë unë, sigurohem që të koordinonen çështjet me ministrat përkatës, mund të kenë ndonjëherë qëndrime të caktuara por në fund koordinohet”, ka thënë Hoti.

Ky reagim i Hotit vjen pasi që dje Ministrja Haradinaj përmes Tëitterit ka reaguar ndaj presidentit serb, Aleksandër Vuciq.

Haradinaj tha se Vuciq nuk do të lejohet të hyjë në Kosovë pa kërkuar falje.

(Kosova Sot Online)