Kurti në letrën që ia dërgoi SHBA’së: LDK dhe opozita po thonë se jam anti-amerikan, pohim i rremë

  • A.P /
  • 08 December 2020 - 22:28
Kurti në letrën që ia dërgoi SHBA’së: LDK dhe opozita po thonë se jam anti-amerikan, pohim i rremë

Është publikuar letra e plotë e ish-kryeministrit, Albin Kurti, dërguar zëvendëspresidentit amerikan, Mike Pence, pas prishjes së koalicionit qeverisës me Lidhjen Demokratike të Kosovës.

Në letrën e publikuar  shihet se Kurti deklaruar se partitë opozitare së bashku me LDK-në, po mundohen ta prishin qeverinë me qëllim të shkuarjes në zgjedhje.

“Më 25 mars të 2020’ës, partitë opozitare dhe partia në koalicionin tim ka iniciuar mocionin e mosbesimit, nën pretekstin se qeveria ime nuk ishte mjaftueshëm pro-amerikane, e as nuk i dëgjoi këshillat e Shtëpisë së Bardhë. Një pohim i rremë që ka nervozuar shumë njerëz”, ka shkruar Kurti në letër.

Sa ishte ende në postin e kryeministrit, Kurti i kishte thënë Mike Pence se Qeveria Kurti kishte larguar taksën 100%, ndërsa kishte ngritur dyshime se ka marrëveshje të fshehtë për shkëmbim territoresh mes Kosovës dhe Serbisë.

Image

(Kosova Sot Online)

lajme Bota Kosova Sot Aktualitet Ngjarje gazeta Kurti në letrën që ia dërgoi SHBA’së