Lexoni edhe:
Ramush Haradinaj uron fillimin e gjysmëvjetorit të dytë: Reformat në arsim të rëndësishme
Pas vërshimeve, normalizohet cilësia e ujit në fshatrat e Klinës
Zyra Rajonale për Media e KRU ‘Hidrodrini’ Pejë, ka bërë të ditur se pas reshjeve dhe vërshimeve, nga sot është normalizuar cilësia e ujit të pijes në fshatrat e Kliniës.
Ndërsa, ekipet përgjegjëse të KRU ‘Hidrodrini’ po vazhdojnë monitorimin dhe gjendjen në të gjitha burimet furnizuese.
Njoftimi i plotë:
Pas reshjeve dhe vërshimeve të 11 Janarit, nga sot, është normalizuar cilësia e ujit të pijes, për fshatrat e komunës së Klinës që furnizohen nga burimi i Jarines, (pjesa veriore e Klinës), përfshirë burimet, (Pusi i Kpuzit, Berkovës, Radokes dhe Garabilit të fshatit Sferkë) të cilat kishin trubullira të nivelit të mesëm.
KRU ‘Hidrodrini’-Njësia Operative Klinë, falënderon të gjithë konsumatorët e asaj zone për bashkëpunim dhe respektim të rekomandimeve nga ana e specialistëve tonë.
Ekipet përgjegjëse të KRU ‘Hidrodrini’ po vazhdojnë monitorimin dhe gjendjen në të gjitha burimet furnizuese.
(Kosova Sot Online)
