Sot mbahet mbledhja e Kryesisë së Kuvendit të Kosovës

Kryesia e Kuvendit të Kosovës do të mblidhet sot në orën 09:00 për të diskutuar mbi përgatitjet për seancën konstituive të legjislaturës së tetë të dalë nga zgjedhjet e 14 shkurtit.

Lexoni edhe:

Qeveria Hoti në ikje është e gatshme të kapë gjithçka para vetes, ose ta shkatërron nëse nuk arrin ta mbaj atë

Seanca konstituive për legjislaturën do të propozohet në kryesi që të mbahet më 22 mars.

Ndryshe, ushtruesja e detyrës së presidentit, Vjosa Osmani, në pajtueshmëri me Kushtetutën e Kosovës dhe legjislacionin në fuqi, pas certifikimit të rezultateve nga KQZ-ja, ka caktuar për datën 22 mars (e hënë) seancën konstituive të Kuvendit të Kosovës, në orën 10:00, teksa përgatitjet për mbajtjen e saj do të kryhen konform procedurave në fuqi.

Ndryshe, një ditë më parë Osmani dhe lideri i LVV-së, Albin Kurti kanë takuar përfaqësuesit e Partisë Demokratike të Kosovës dhe Aleancës për Ardhmërinë e Kosovës për tu konsultuar lidhur me formimin e institucioneve.

Osmani dhe Kurti pritet gjatë javës t’i vazhdojnë takimet edhe partitë tjera.

(Kosova Sot Online)