![Tërmet i fortë në Greqi](/uploads/kosova-sot/images/2024/July/27/200x200_IMG_57691722035783.jpeg)
Seanca konstituive e Kuvendit/LIVE
![Seanca konstituive e Kuvendit/LIVE](/uploads/kosova-sot/images/2021/March/22/auto_850x600_IMG_6243-01-720x48016164061031616406561.jpeg)
Ndonëse me vonesë, në Kuvendin e Kosovës, ka filluar seanca konstituive e legjislaturës së tetë.
Kjo seancë fillimisht është paraparë të fillojë në orën 09:00, të mëngjesit, megjithatë kishte vonesa në arritjen e deputetëve.
Mbledhja konstituive e legjislaturës udhëhiqet nga deputeti më i vjetër, i ndihmuar nga deputeti më i ri i zgjedhur.
Kësaj radhe seanca do të udhëhiqet nga deputeti i VV-së, Avni Dehari, si dhe deputetja tjetër e PDK-së, Adelina Granica.
Fillimisht, kryesuesi kërkon nga një përfaqësues që të caktohet nga partitë politike në Kuvend për të bërë verifikimin e kuorumit dhe të mandateve.
Komisioni i përkohshëm e shqyrton dokumentacionin përkatës të zgjedhjeve, ia paraqet Kuvendit raportin për vlefshmërinë e mandateve të deputetëve të Kuvendit dhe e verifikon kuorumin në mbledhjen konstituive të legjislaturës së Kuvendit.
Pas verifikimit të mandateve, deputetët betohen, derisa deklaratën e betimit e lexon kryesuesi i mbledhjes.
Kujtojmë se partia më e votuar në zgjedhjet e 14 shkurtit doli Lëvizja Vetëvendosje, e cila do të ketë 58 deputetë, pastaj, Partia Demokratike me 19, Lidhja Demokratike e Kosovës 15 deputetë dhe Aleanca për Ardhmërinë e Kosovës tetë deputetë.
Zgjedhjet për Kuvendin e Kosovës janë mbajtur më 14 shkurt, ndërsa certifikimi i tyre u bë më 13 mars.
https://www.youtube.com/watch?v=_cmjt6Wl_koë
(Kosova Sot Online)