Lexoni edhe:
Nga Qeveria në ardhje kërkohet t’i shpall luftë frontale krimit të organizuar dhe korrupsionit!
SHBA-ja konfirmon: AstraZeneca e sigurtë
Testimi i vaksinës Oxford-AstraZeneca nga SHBA vërtetoi se ajo është një vaksinë e sigurtë. Sipas raporteve nga BBC rezultoi 79% efektive në ndalimin e sëmundjes simptomatike nga Covid dhe 100% në parandalimin e njerëzve nga sëmundja serioze. Asnjë problem nuk u gjet në lidhje me mpiksjen e gjakut. Më shumë se 32 mijë vullnetarë morën pjesë në këtë eksperiment.
Vaksina sipas studiuesve ishte e toleruar mirë dhe komiteti i pavarur i monitorimit të sigurisë së të dhënave nuk identifikoi ndonjë shqetësim sigurie në lidhje me vaksinën. Komiteti kreu një rishikim specifik të ngjarjeve të trombozës së sinusit venoz cerebral me ndihmën e një neurologu të pavarur. Pas testimesh të shumta nuk u gjet asnjë rrezik i rritur trombozës ose situatave trombotike midis 21,583 pjesëmarrësve që morën të paktën një dozë të vaksinës.
Vaksina është e vlefshme edhe për moshta mbi 65 vjeç – Ann Falsey, Profesore e Mjekësisë në Shkollën e Mjekësisë në Universitetin e Rochester në Shtetet e Bashkuara dhe bashkë-udhëheqëse e Hetuesit Kryesor për studimin, tha: “Këto rezultate rikonfirmojnë rezultatet e mëparshme në të gjitha popullatat e të rriturve, por ajo që është emocionuese shikojmë efikasitetit tek njerëzit mbi moshën 65 për herë të parë.”
Rezultatet e dërguara në Administrimin e Ushqimit dhe Barnave – Mene Pangalos, Zëvendës President Ekzekutiv, Kërkim dhe Zhvillim Biofarmaceutik, tha: “Këto zbulime i shtohen provave që tregojnë se kjo vaksinë tolerohet mirë dhe shumë efektive në të gjitha grupmoshat. Ne jemi të sigurtë se kjo vaksinë mund të luajë një rol të rëndësishëm në mbrojtjen e miliona njerëzve në të gjithë botën nga ky virus vdekjeprurës.“
(Kosova Sot Online)
