Lexoni edhe:
Milaim Zeka publikon video duke vallëzuar me Cimën, ky është mesazhi i tij
Mjekët japin alarmin për mbingarkesë katastrofike në spitale
Paraqitet e vështirë situata me pandeminë në Francë. Presidenti Macron është i vendosur të mos kthejë izolimin total për francezët që përtej vështirësive financiare do të nënkuptonin një situatë të rënduar psikologjike, por mjekët ngrenë alarmin se kapacitetet në spitalet e urgjencave janë të tejmbushura dhe shumë shpejt nuk do të mund t’u shërbehet më personave me koronavirus.
Nëpërmjet një apeli të shpërndarë në median e shkruar dhe atë vizive, bluzat e bardha në Paris bëjnë apel për një izolim, përndryshe do të detyrohen të bëjnë edhe përzgjedhjen e kujt do të trajtohet.
Që nga janari, qeveria e Macron ka zbatuar orën policore gjatë natës në mbarë vendin si dhe ka vënë kufizime të tjera në përpjekje për të frenuar shkallën e lartë të infektimeve.
(Kosova Sot Online)
