Lexoni edhe:
Gastronomët kërcënim Qeverisë: Pas 11 ditësh ne do të hapemi, me ose pa leje
Ganimete Musliu e mbron Ardian Kastratin pas fyerjes që i bëri Presidentes Osmani
Deputetja e PDK-së, Ganimete Musliu, është deputetja e vetme e kësaj partie që e ka komentuar postimin fyes të deputetit Ardian Kastrati. Megjithatë, ajo ka thënë se postimi i tij u bë shkas i shpërfytyrimit të moralit të dyfishtë të një grupi njerëzish.
Ajo ka thënë se është kundër linçimit të gjithë personave, jo vetëm ndaj grave.
Postimi i saj i plotë:
Nëse për një gjë duhet të vlerësohet Vjosa Osmani, atëherë për faktin se, në rrugën e saj politike, ajo asnjëherë nuk e definoi vetën me pamjen e saj të jashtme.
Tani, pasi u zgjodh presidente, ata të cilët po garojnë për të marrë kredi personale, e bënë temë të një debati rreth dukjes së saj.
Në këtë valë „solidariteti“ krejtësisht të panevojshëm, ne, dje dhe sot u bëmë dëshmitarë të mentalitetit oportunist dhe të servilizmit që ka kapluar shoqërinë tonë. Një postim i një deputeti të Partisë Demokratike u bë shkas i shpërfytyrimit të moralit të dyfishtë të një grupi njerëzish të cilët qëndrimet e tyre ja përshtatin modës ditore politike.
Ju, e kam fjalën për juve që vet linquat dhe ofenduat gra dhe oponentë politikë, kujt po mendoni se i bëni nder me aplikim të standardëve të dyfishta, me qasje selektive dhe me përpjekjen për të linçuar kundërshtarët politikë? Vjoses, Presidentes, JO.
Ajo nuk ka nevojë për oportunista si ju.
Pesha largohet, po çka me ba me
mungesën e integritetit të zhurmagjive dhe oportunëve si ju?
P.S. që të jemi të qartë, jam kundër aplikimit të metodave linquese dhe ofenduese, jo vetëm ndaj grave por, ndaj të gjithëve.
(Kosova Sot Online)
