Lexoni edhe:
Kemi pasur institucione të telekomanduara nga nëntoka politike e krimit të organizuar!
Sekuestrohen tetë vetura nga policia për shkak të zhurmës së madhe
Mediat zvicerane kanë shkruar për një fenomen që çdoherë e më shumë po rritet tek personat, të cilët dëshirojnë që vetura e tyre sportive të ketë një zhurmë të madhe për të përjetuar adrenalinën gjatë vozitjes.
E për këtë policia zvicerane ka ndaluar tetë vetura në qytetin e Thunit dhe me këtë rast shoferët e veturave janë ftuar për intervistim, për kuptimin e qëllimit të tyre.
Arsyeja e ndalimit të këtyre veturave është bërë sepse ato po bënin zhurmë të madhe në qytet.
Thuhet se automjetet janë dërguar në qendrën e inspektimit të trafikut, ku do të kontrollohen teknikisht, transmeton albinfo.ch.
Ndaj drejtuesve të makinave pritet të ngritet akuzë për shkaktimin e panevojshëm të zhurmës dhe për shkeljen e Aktit të Trafikut Rrugor.
(Kosova Sot Online)
