Lexoni edhe:
“E paralajmëruam Qeverinë se çka do të ndodhë nëse në Kosovë ka mbyllje e në rajon masa të relaksuara”
Mosmarrëveshje në rrjete sociale, një grua nga Fushë – Kosova e bëjnë për spital
Dy persona janë arrestuar pasi kanë sulmuar fizikisht një grua, pas një mosmarrëveshjeje në rrjete sociale.
Rasti ka ndodhur mesditën e së shtunës në Fushë-Kosovë, ku janë arrestuar një grua dhe një burrë për shkak të sulmit fizik ndaj një gruaje tjetër.
Deri te sulmi fizik ka ardhur si pasojë e një mosmarrëveshjeje në rrjete sociale, ka bërë të ditur policia në raportin 24 orësh.
“Fushë Kosovë 10.04.2021-15:14. Janë arrestuar dy të dyshuar: një mashkull dhe një femër kosovarë pasi që të njëjtit pas një mosmarrëveshje që kishin pasur në rrjetin social kishin sulmuar fizikisht viktimën femër kosovare”, ka njoftuar policia.
Po ashtu është bërë e ditur se viktima ka pranuar tretman mjekësor, ndërkaq të dyshuarit janë dërguar në mbajtje për 48 orë.
“Viktima ka pranuar ndihmë mjekësore. Pas intervistimit, me aktvendim të prokurorit kujdestar të dyshuarve iu është caktuar masa e ndalimit policor për 48 orë”, bën të ditur policia.
(Kosova Sot Online)
