Tërbohen mysafirët e televizionit serb: Iu shfaqet flamuri i Kosovës në ekran

G.G /
22 April 2021 - 13:10

Pas copëtimit të Serbisë që ka ndodhur muajin e shkuar, ku tregohet Sanxhaku i ndarë nga Serbia edhe Mali i Zi, mbrëmë krahas famujve tjerë të vendeve të Ballkanit, është paraqitur edhe “flamuri i shtetit të Kosovës”.

Kështu shkruan media serbe “informer”, pasi flamuri i Kosovës u paraqit në një emision televiziv.

Ajo madje këtë e quan skandal që ka ndodhur në emisionin e mbrëmshëm të televizionit boshnjak BN TV “Globalisht”.

Sipas medias, ky nuk është skandali i parë që bënë ky televizion dhe udhëheqësi i këtij emisioni Marko Jeremiç, pasi edhe në të kaluarën ka bërë gjëra të ngjashme.

Me këtë rast përkujtohet emisioni i tij kohë më parë, në të cilin Sanxhakun e përkufizon me vijë të trashë të kuqe ndarëse nga Serbia dhe nga Mali i Zi.

Ndërsa i njëjti televizion dhe i njëjti emision “Globalisht” në BN TV në fund të marsit është paraqitur Kosova e ndarë me kufij të qartë nga Serbia dhe me mbishkrimin “Kosova”, por edhe Sanxhaku i ndarë me të kuqe si vend i veçantë.