Lexoni edhe:
Në Pejë një shtëpi përfshihet nga zjarri
Kina ia kthen ShBA-së: Qindra miliona vaksina në depo, a u dhatë ndonjë aleatëve
Ministria e Jashtme e Kinës ka reaguar ndaj deklaratës së Shteteve të Bashkuara, në të cilën Shtëpia e Bardhë tha se e dënon “përdorimin cinik” të ndihmave mjekësore nga Kina për t’i avancuar agjendat politike, duke e pyetur ShBA-në se sa vaksina u ka dhuruar shteteve tjera, përfshirë vendet aleate.
“A do të na tregojë ShBA-ja se a ka ofruar ndonjë vaksinë për ndonjë shtet, përfshirë aleatët? ShBA-ja ka 330 milionë banorë, 4 për qind të popullsisë botërore. Megjithatë, ka blerë 2.6 miliardë doza të vaksinave, një të katërtën e totalit botëror”, shkroi në rrjete sociale zëdhënësja e Ministrisë së Jashtme të Kinës.
“Përderisa shtetet po provojnë çdo mënyrë që të marrin vaksina të nevojitura urgjentisht, qindra miliona doza po rrinë në depo në ShBA”, thuhet në postimin e zëdhënëses kineze, Hua Chunying.
Will the #US tell us has it provided any #vaccine to any country, including its allies? The US has 330m people, 4% of the world's population. However, it has purchased 2.6 bn vaccine doses, 1/4 of the world's total. pic.twitter.com/SKKayMh4vt
— Hua Chunying 华春莹 (@SpokespersonCHN) May 15, 2021
(Kosova Sot Online)
