Raporti i IKSHKP-së: 40 raste të reja me COVID-19 dhe 3 të vdekur

  • E.K /
  • 15 maj 2021 - 15:07
Raporti i IKSHKP-së: 40 raste të reja me COVID-19 dhe 3 të vdekur

Instituti Kombëtar i Shëndetit Publik të Kosovës ka publikuar raportin 24 orësh të të infektuarve dhe viktimave nga COVID-19.

Nga 2 mijë e 135 testime, janë regjistuar 40 raste të reja dhe 3 viktima nga COVID-19 në 24 orët e fundit.

Po ashtu janë shëruar edhe 358 persona.

Postimi i plotë i IKSHPK-së:

358 TË SHËRUAR DHE 40 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 2.135 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 40 raste pozitive.

Brenda 24 orëve janë raportuar 3 raste të vdekjes me SARS CoV-2 pozitiv. Rastet e vdekjes janë nga komunat: Prizren 1 rast (68 vjeç), Skenderaj 1 rast (73 vjeç), Suharekë 1 rast (67 vjeç).

Numri total i rasteve pozitive është 106.843 raste nga 565.607 persona të dyshimtë në virusin SARS-CoV-2 dhe 2.223 raste të vdekjes.

Gjatë 24 orëve të fundit, janë shëruar 358 pacientë derisa numri i përgjithshëm i të shëruarve deri më sot është gjithsej 99.455 raste, kurse numri i rasteve aktive është 5.165.

Rastet pozitive janë nga komunat: Prishtinë 9 raste, Skenderaj 6 raste, Vushtrri 6 raste, Viti 4 raste, Suharekë 3 raste, Drenas 2 raste, Gjakovë 2 raste, Malishevë 2 raste, Rahovec 2 raste dhe me nga një rast komunat Gjilan, Kaçanik, Klinë dhe Pejë.

Mbuloni gojën dhe hundën me maskë!

Mbani higjienën!

Respektoni distancën!

(Kosova Sot Online)