Lexoni edhe:
22 vjet nga masakra e Burgut të Dubravës, kërkohet drejtësi për viktimat
Shefi i Zyrës së BE-së në Kosovë: Vendimi i Kushtetueses për Manastirin e Deçanit s’po zbatohet
Shefi i Zyrës së BE-së në Kosovë, Tomas Szunyog ka kritikuar institucionet kosovare për moszbatimi të vendimit të Gjykatës Kushtetuese për tokën në Manastirin e Deçanit.
Szunyong ka shkruar në Twitter se i vjen keq që edhe pas 5 viteve të vendimit të Gjykatës Kushtetuese ai ende s’po zbatohet.
“Më vjen keq që 5 vjet që kur Gjykata Kushtetuese vendosi mbi mosmarrëveshjen e tokës në Deçan, vendimi ende nuk po zbatohet. Kosova mund të ecë përpara vetëm duke mbështetur sundimin e ligjit si një parim themelor demokratik”, ka shkruar ai.
Ndërkaq dje, Ministrja e Punëve të Jashtme dhe Diasporës, Donika Gërvalla-Schëarz dhe Ministri i Kulturës, Rinisë dhe Sportit, Hajrulla Çeku i kanë dërguar letër Presidentit Ekzekutiv të Europa Nostra në lidhje me përfshirjen e Manastirit të Deçanit në listën e monumenteve më të rrezikuara në Europë.
Në letër thuhet se vendimi i Europa Nostra është i padrejtë dhe i ndikuar politikisht
“Jemi të bindur që ky vendim është i pabazuar, pasi nuk përkon me faktet në terren. Për më shumë, vendimi është qartësisht i ndikuar politikisht, një praktikë e paprecedentë në historinë me reputacion të lartë të Europa Nostra”, thuhet në letrën e dy ministrave
(Kosova Sot Online)
