Lexoni edhe:
Familja në Rahovec në rrezik nga bollat e gjarpërinjtë
Kurti e uroi kryeministrin grek për 200 vjetorin e Revolucionit, Mitsotakis e falenderon me një letër
Kryeministri i Republikës së Kosovës, Albin Kurti, ka pranuar letër falënderim nga kryeministri i Greqisë, Kyriakos Mitsotakis, për urimin që i ka bërë atij me rastin e 200- vjetorit të revolucionit grek, njofton ZKM.
Në letër falënderim, kryeministri Mitsotakis ka riafirmuar përkushtimin e Greqisë në promovimin dhe forcimin e mëtejshëm të bashkëpunimit në mes dy vendeve.
Greqia do të vazhdojë qasjen e saj konstruktive në kuadër të promovimit të perspektivës evropiane të Ballkanit Perëndimor, me synim përforcimin e stabilitetit, sigurisë dhe prosperitetit në rajon, thuhet në letër.
Letra e plotë:
I nderuar z. Kurti, Ju falënderoj shumë për urimet tuaja për Festën Kombëtare të Greqisë, e cila, këtë vit, shënon 200 vjetorin e fillimit të Revolucionit Grek.
Shfrytëzoj rastin që t’ju përgëzoj për marrjen e detyrave dhe t’ju uroj çdo sukses në punën tuaj.
Do të dëshiroja, në këtë kontekst, të riafirmoj se Greqia vijon të mbetet e përkushtuar në promovimin dhe forcimin e mëtejshëm të bashkëpunimit tonë.
Në të njëjtën kohë, vendi im do të vazhdojë qasjen e tij konstruktive, në kuadër të promovimit të perspektivës evropiane të Ballkanit Perëndimor, me synim përforcimin e stabilitetit, sigurisë dhe prosperitetit në rajonin tonë. Më lejoni t’ju shpreh vlerësimin tim më të lartë.
(Kosova Sot Online)
