Lexoni edhe:
Thaçi mjeshtër i përkryer i shkatërrimit të pahetueshëm të shtetit
Përplasen në komision Xhavit Haliti dhe Haki Abazi, ia përmendin njëri-tjetrit fondacionet
Kryetari i Komisionit për Punë të Jashtme dhe Diasporë, Haki Abazi është përplasur në komision me deputetin e PDK-së, Xhavit Haliti rreth minutave për fjalim e që ka eskaluar me akuza dhe kundër akuza ndaj njëri-tjetrit lidhur me fondacionet Rockfeller dhe Vendlindja Thërret.
Abazi ka kërkuar nga Haliti që ta përfundojë fjalën e tij, e që më pas deputeti i PDK-së ka reaguar duke ia fikur mikrofonin, Abazit.
“S’ki drejtë me ma ndalë fjalën, funksioni yt është me dhënë fjalën, dhe kur e përfundoj është çështje e imja. Unë kam më shumë respekt për të se për ty. Nuk vi me ta bë qëfin ty, unë jam oponencë e qeverisë dhe nuk po e kundërshtoj asgjë, po du me e ndihmu. Ti i ke kqyrë prej së jashti”, tha Haliti.
Abazi i ka kërkuar Halitit që të përfundojë fjalinë.
“Rezervohu prej komenteve, dhe përfundoje fjalinë. Është ofendim kur tenton me i qitë njerëzit në pozita të keqe”, tha Abazi.
Haliti pastaj i tha Abazit që ke udhëheqë fondacione që i ka vjedhur si ai Rockfeller.
“Mos u bën dyftyrësh, trego krejt, ti i ke menaxhu fondet e Rockfeller-it, ty të ka pagu dikush s’ke qenë në pozita udhëheqëse në Kosovë.Ti i ke udhëheqë fondacionet të cilat i ke vjedhë. S’ki ti mu me mësu kurgjo”, i ka thënë Haliti.
Kurse Abazi në kundër përgjigje i ka përmendur fondin Vendlindja Thërret, deputetit Haliti.
“Edhe ty të kanë pagu Vendlindja Thërret me qindra mijëra euro”, i ka thënë Abazi.
(Kosova Sot Online)
