Lexoni edhe:
Kompania amerikane premton fluturime supersonike, ja kur pritet të nisin
“Kosova për ne është si Jerusalemi për hebrenjtë”, fjalia e klerikut serb pak orë pas takimit me Miroslav Lajçakun dhe Mathew Palmerin
Miroslav Lajcak dhe Matthew Palmer kanë takuar gjatë vizitës në Beograd edhe kreun e Kishës Ortodokse të Serbisë, patriarkun Porfirije. Lajcak ka treguar se me klerikun serb kanë diskutuar për dialogun në mes të Kosovës dhe Serbisë.
Për një takim të tillë me Porfirijen ka reaguar ashpër, doktori i shkencave politike, boshnjaku, Jasmin Mujanoviq, duke e cilësuar si një vendim të tmerrshëm, meqë sipas tij, nuk duhet që të faktorizohen drejtuesit e institucioneve fetare për çështje që ndërlidhen me politikë.
Pas këtij takimi ka folur edhe vetë patriarku serb, Porfirije, i cili ka thënë se për serbët “Kosova është ajo çfarë Jerusalemi është për Izraelin.
“Për serbët, Kosova është çfarë është Jerusalemi për hebrenjtë dhe patriarkana e Pejës për Kishën Ortodokse është çfarë është Vatikani për Kishën Katolike”, ka thënë Porfirije, shkruan Novosti, raporton Gazeta Express.
Ai tutje ka thënë se Kosova, “Srpska Republika” dhe Mali i Zi janë të një rëndësie vitale për Serbinë, derisa ka drejtuar akuza drejt Prishtinës zyrtare se Kosova është e pa interesuar për dialog.
This was really a terrible decision by all involved. Neither the EU not the U.S. should be in the business of promoting religious institutions as political actors. Just extraordinarily bad judgment by both Lajcak and Palmer. Yikes. https://t.co/0plHrwyTvd
— Jasmin Mujanović (@JasminMuj) June 4, 2021
(Kosova Sot Online)
