Kryegjykatësja paralajmëron seanca “ex parte” në rastin Mustafa, Prokuroria kërkon të shtojë edhe një dëshmitar

  • E.K /
  • 09 qershor 2021 - 10:44
 Kryegjykatësja paralajmëron seanca “ex parte” në rastin Mustafa, Prokuroria kërkon të shtojë edhe një dëshmitar

Ka nisur në Hagë seanca e sotme përgatitore për gjykim ndaj ish-eprorit të Ushtrisë Çlirimtare të Kosovës, Salih Mustafa.

Kryetarja e trupit gjykues, Mappie Veldt-Foglia tha se nesër dhe pasnesër do të mbahet edhe nga një seancë paragjyqësore ndaj Mustafës, të cilat nuk do të transmetohen (ex parte).

“Nesër do të mbajmë seanca të mbyllura, pastaj edhe një seancë tjetër të mbyllur me ZPS-në”, tha kryegjykatësja.

Prokuroria, ndërkaq, tha se do të bëjnë kërkesë për shtimin edhe të një dëshmitari tjetër në listën e Prokurorisë.

Ish-eprori i UÇK-së, Salih Mustafa, ishte i pari nga ish-anëtarët e UÇK-së që u arrestua dhe transferua në paraburgimin e Gjykatës Speciale më 24 shtator të vitit të kaluar. Ai akuzohet për një sërë veprash që cilësohen si krime të luftës dhe krime kundër njerëzimit.

(Kosova Sot Online)