Ministri gjerman reagon pasi Mlladiq u dënua me burg të përjetshëm

E.K /
09 June 2021 - 12:11

Ministri gjerman i shtetit për Evropë, Michael Roth ka reaguar pas dënimit përfundimtar me burg të përjetshëm ndaj kriminelit të luftës, Ratko Mlladiq.

Roth ka shkruar se kryerësit e gjenocidit duhet të mbajnë përgjegjësi.

Lexoni edhe:

Pushtetarët e ndershëm janë ata që i pranojnë gabimet dhe përmirësojnë ato

“Gjykimi përfundimtar kundër Mladiqit është kontribut i rëndësishëm në ndjekjen penale të mizorive të tmerrshme të kryera në ish-Jugosllavi. Kryerësit e gjenocidit, krimeve të luftës dhe krimet kundër njerëzimit duhet të mbajnë përgjegjësi. Pajtimi ka nevojë për të vërtetën dhe pranimin e fakteve”, tha Roth.

Dhoma e Apelit e Gjykatës Penale Ndërkombëtare të Kombeve të Bashkuara e ka dënuar me burgim të përjetshëm kriminelin serb, Ratko Mlladiq. Kësisoj, është konfirmuar vendimi i shkallës së parë.

Kryetarja e trupit gjykues, Prisca Matimba Nyambe deklaroi konstatimin e Dhomës së Apelit se Mlladiq nuk ka mundur ta hedhë poshtë përfshirjen e tij në krime.

Final judgement against #Mladić is important contribution to the prosecution of the horrific atrocities committed in former #Yugoslavia. Perpetrators of genocide, war crimes+crimes against humanity must be held accountable.Reconciliation needs truth+the acceptance of facts!
— Michael Roth MdB ?? (@MiRo_SPD) June 9, 2021