Lexoni edhe:
Albin Kurti flet pas përballjes me Ana Bërnabiqin, tregon se si nisi përplasja
Shtatzëna zgjohet nga koma pas 10 muajve, nuk e dinte se ka lindur
Një grua italiane është zgjuar nga koma pas dhjetë muajve në këtë gjendje, raportojnë mediet lokale në Itali.
Cristina Rosi, 37 vjeçe, ishte në muajin e shtatë të shtatzënisë, kur pësoi sulm në zemër në korrik të vitit të kaluar.
Albin Kurti flet pas përballjes me Ana Bërnabiqin, tregon se si nisi përplasja Lexoni edhe:
Vajza e saj, Caterina, u lind përmes prerjes emergjente cezariane. Megjithatë, zonja Rosi mbeti në koma dhe mjekët dyshonin se ajo ka pësuar lëndime në tru.
Ajo tashmë është zgjuar nga gjendja e rëndë dhe fjalën e parë e ka thënë “mamma” (nënë), tregoi bashkëshorti i saj.
“Nuk e prisnim këtë, ishte gëzim i vërtetë pas kaq shumë vuajtjeve”, tha Gabriele Succi për gazetën italiane, “La Nazione”.
Zonja Rosi ishte dërguar në një klinikë në Austri në muajin prill për të marrë kujdes specialistik gjatë rimëkëmbjes. Bashkëshorti dhe nëna e saj ishin pranë, kur u zgjua nga koma dhe filloi të fliste.
Trajtimi i saj në Austri është paguar përmes një faqeje që ka arritur të mbledhë mbi 170.000 euro në internet. Me këto mjete do të vazhdohet trajtimi i zonjës Rosi, përfshirë fizioterapinë.
Vajza e lindur me prerje cezariane është mbajtur për disa muaj në spital për shkak të mungesës së oksigjenit gjatë lindjes.
(Kosova Sot Online)