Donin t’ia tregonin medias kryeveprën e gjetur, policisë i bie në tokë piktura e Pikasos

Autoritetet greke kanë gjetur një kryevepër të piktorit të njohur Pablo Pikaso që ishte vjedhur 9 vite më parë në një galeri.

Piktura “Koka e Gruas” u ekspozua nga policia për mediat, por ra në tokë, pasi nuk ishte vendosur mirë, duke rrezikuar të dëmtohej rëndë.

Lexoni edhe:

Sllovenia merr Presidencën e BE-së, në Kosovë rritet shpresa për liberalizimin e vizave

Një oficer policie e ngriti menjëherë dhe e vendosi sërish aty ku ishte.

Për vjedhjen e pikturës është arrestuar një 49-vjeçar që banonte në Greqi dhe Angli.

Ministrja e Kulturës së Greqisë, Lina Mendoni e kritikoi incidentin, por theksoi se piktura është në gjendje të mirë.

Mjeshtri spanjoll Pablo Pikaso ia ka dhuruar veprën e tij shtetit grek në vitin 1949, si vlerësim për qëndresën ndaj Gjermanisë naziste.

(Kosova Sot Online)