Lexoni edhe:
Drejtësia po çlirohet nga mafio-politika dhe krimi i organizuar
Kryeministri Kurti uron Memli Krasniqin, i ofrohet për bashkëpunim rreth temave të interesit nacional
Kryeministri i Republikës së Kosovës dhe kreu i VV’së, Albin Kurti, e ka uruar kreun e ri të Partisë Demokratike të Kosovës, Memli Krasniqin.
Kurti ka shprehur gatishmërinë e tij për bashkëpunim për tema të interesit nacional dhe për ballafaqim të ideve në të mirë të vendit.
“Si kryeministër i Kosovës dhe kryetar i Lëvizjes i ofroj bashkëpunim në temat me interes nacional dhe ballafaqim të ideve e qëndrimeve për të mirën e përbashkët të shtetit dhe qytetarëve”, ka shkruar Kurti.
Postimi i plotë i Kurtit në Facebook”
I uroj punë të mbarë kryetarit të ri të PDK-së, z. Memli Krasniqi.
Mbështetjen që e mori sot nga strukturat e subjektit të tij i garantojnë një udhëheqje stabile për t’i zhvilluar reformat që mendon se janë të nevojshme për PDK-në.
Si kryeministër i Kosovës dhe kryetar i Lëvizjes i ofroj bashkëpunim në temat me interes nacional dhe ballafaqim të ideve e qëndrimeve për të mirën e përbashkët të shtetit dhe qytetarëve.
Të punosh për Kosovën e kombin tonë nuk është kurrë mjaftueshëm dhe e kemi obligim secili.
(Kosova Sot Online)
