Lexoni edhe:
Një vit nga vdekjet e dyshimta në Infektivë, familjarët duan të vërtetën, Prokuroria ende s’i ka mbyllur hetimet
Pasi u zgjedh kryetar i PDK-së, Memli Krasniqi bën homazhe në Prekaz
Kryetari i ri i PDK-së, Memli Krasniqi, ka nisur ditën me homazhe e nderime në Kompleksin memorial Adem Jashari në Prekaz.
Krasniqi tha se ardhja në Prekaz është e domosdoshme para marrjes së përgjegjësive sepse është një frymëzim shtesë për ta fuqizuar vetëdijen politike.
“Prekazi mbetet udhërrëfyesi ynë sepse ky është vendi ku ka lindur dhe ku ka marrë kuptim liria e Kosovës. Andaj e konsideroj të patejkalueshme dhe të domosdoshme ardhjen në Prekaz para marrjes së çfarëdo përgjegjësie. Pra është edhe nder, obligim, privilegj edhe përgjegjësi që në ditën e parë si kryetar i PDK-së së bashku me familjen time të vij në Prekaz për të marrë një frymëzim shtesë por edhe për të fuqizuar vetëdijen tonë politike për punët të cilat na presin dhe për të marrë një inspirim shtesë nga sakrifica titanike e familjes Jashari”, tha ai.
Ai tha po ashtu se ADN-ja e Partisë Demokratike të Kosovës është Ushtria Çlirimtare e Kosovës.
“Unë e kam thënë edhe dje në Konventën e PDK-së që ADN-ja e partisë sonë është UÇK-ja. Lufta dhe sakrifica e mijëra heronjve e çlirimit tonë dhe Adem Jashari është simboli i gjithë kësaj lufte. Kështu që ndjehem i përgjegjshëm ndaj historisë së Partisë Demokratike të Kosovës, ndaj të gjithë atyre njerëzve që për vite e dekada kanë punuar për ta sjellur partinë tonë deri në këtë fazë dhe për punën që na pret në të ardhmen”, tha Krasniqi.
Krasniqi gjatë ditësh së djeshme u zgjodh në këtë pozitë me shumicë votash të delegatëve pjesëmarrës në Konventën zgjedhore të partisë. Në votim morën pjesë 476 delegatë. Vetëm 7 vota ishin kundër.
(Kosova Sot Online)
