Lexoni edhe:
E dhunuara nga Vukotiq tregon se si ndodhi ngjarja: Kam pritur që dënimi të jetë më i madh
Plisat me peticion për vendosjen e shtatores së Adem Jasharit në Prishtinë
Tifogrupi Plisat kanë nisur një peticion me të cilin kërkojnë vendosjen e statujës së komandatit legjendar të UCK-së, Adem Jashari, në kryeqytet.
Tenda ku qytetarët mund të nënshkruajnë këtë peticion është afër shtatorës së Skenderbeut.
Kjo është thirrja e Plisave:
FTESË PËR PJESËMARRJE NË PETICION
Duam vendosjen e shtatorës së heroit kombëtar Adem Jashari në Prishtinë.
Të shkruash për komandantin legjendar Adem Jashari dhe familjen Jashari është privilegj por, edhe përgjegjësi e madhe. Vepra dhe sakrifica e familjes Jashari është një vepër unike, vepër e cila ka sensibilizuar shumë bashkatdhetarë të tjerë t’i bashkangjiten Ushtrisë Çlirimtare të Kosovës që ne të gëzojmë këtë liri që kemi sot.
Vepra e Adem Jasharit është nderuar në forma të ndryshme që nga rënia heroike e tij në të gjithë botën, por njëzet e dy(22) vjet pas luftës në kryeqytet akoma mungon shtatorja e heroit tonë kombëtar. Baca Adem e meriton të jetë në Prishtinë, përkrah heronjëve të idealit të tij.
Prej nesër të premtën 09/07/2021, Plisat do të organizojmë peticionin për vendosjen e shtatorës së heroit kombëtar Adem Jashari në Prishtinë. Tenda e Plisave për peticion do të vendoset afer shtatorës së Skënderbeut.
Luteni të gjithë t’i bashkoheni këtij peticioni.
Ju mirëpresim!
(Kosova Sot Online)
