Lexoni edhe:
SHBA paralajmëron për rrezikun e një sindrome të rrallë nga vaksinat
Ujësjellësi në Deçan do të jetë në funksion nga sot, Ramosaj ka një apel për qytetarët
Kryetari i Deçanit, Bashkim Ramosaj ka njoftuar se nga sot do të jetë në funksion ujësjellësi në këtë komunë.
Ramosaj u ka bërë apel qytetarëve që t’i zbatojnë kriteret për përdorimin e ujit.
“Luten të gjithë qytetarët e Komunës së Deçanit të zbatojnë kriteret e poshtëshënuara për përdorimin e ujit:
1.Uji të shfrytëzohet vetëm për nevoja sanitare!
2.Uji për nevoja të amvisërisë rekomandohet të përdoret vetëm pasi të vlohet! Këto kritere zbatohen deri në një vendim tjetër”, thuhet në postimin e Ramosajt.
Kujtojmë se në këtë komunë janë helmuar mbi 1 mijë e 500 qytetarë, e që shkaku i këtij helmimi dyshohet të jetë uji i pijes.
(Kosova Sot Online)
