PDK të enjten zgjedh Kryesinë e re

  • E.K /
  • 31 korrik 2021 - 14:45
 PDK të enjten zgjedh Kryesinë e re

Partia Demokratike e Kosovës javën e ardhshme pritet të mbledhë Këshillin Drejtues, prej nga del përbërja e re e Kryesisë së kësaj partie.

Mbledhja e Këshillit Drejtues të PDK-së do të mbahet të enjten, ndërsa përveç përbërjes së Kryesisë së re, pritet që të zgjidhen edhe nënkryetarët dhe sekretari i PDK-së.

Betim Gjoshi, sekretar elektoral në mandatin e kaluar që ka organizuar mbajtjen e Konventës së PDK-së ku u zgjodh kryetari i ri Memli Krasniqi, e ka konfirmuar thirrjen e mbledhjes së Këshillit Drejtues për ditën e enjte.

Ai tha se PDK tashmë i ka kryer të gjitha përgatitjet në organizimin e mbajtjes së mbledhjes së Këshillit Drejtues ku pritet t’i jepet besim përbërjes së re të Kryesisë.

(Kosova Sot Online)