Lexoni edhe:
E pamoralshme, të gjitha pisllëqet kriminale të qeverisjeve të kaluara opozitarët po ia faturojnë Qeverisë Kurti!
Gruaja në Lipjan tha se u rrah nga burri, prokuroria përdor si justifikim deklaratën e saj për lirimin e burrit
Një grua në Lipjan e ka denoncuar në polici burrin për dhunë fizike dhe psikike ndaj saj, rasti ka ndodhur para dy ditësh. Megjithatë pas intervistimit të palëve, i dyshuari është liruar me urdhër të prokurorit.
Express raportoi se burrat dhunues të grave po vazhdojnë të lirohen në “procedurë të rregullt”, edhe përkundër faktit se po i rrahin gratë e tyre. E ndaj këtyre raportimeve ka reaguar sot Prokuroria Themelore e Prishtinës, duke përdorur si justifikim deklaratën e gruas se gjatë intervistimit e njëjta pohon se ka biseduar me burrin dhe do të kthehet në shtëpi.
“Me urdhër të prokurorit kujdestar, janë intervistuar i dyshuari, ankuesja dhe dëshmitari, me ç’ rast në deklaratën e dhënë ankuesja ka theksuar “kemi bisedu, nuk kemi pas ndonjë problem, më tha shko te familja jote rri ndonjë ditë dhe vjen me më marrë pas disa ditësh, po më tha problem nuk du mem bo në shtëpi, unë i thash kthehem sërish te ti””, thuhet në arsyetimin e prokurorisë për lirimin e burrit.
Reagimi i plotë i Prokurorisë:
Prokuroria Themelore në Prishtinë, Departamenti i Përgjithshëm, sqaron për opinionin publik rastin lidhur me lajmin e publikuar “Prokurori urdhëron lirimin e të denoncuarit për dhunë ndaj gruas së tij në Lipjan”, se prokurori kujdestar nga Njësiti i Dhunës në Familje, është njoftuar nga Policia e Kosovës për këtë rast, të cilin e ka iniciuar për veprën penale “Dhuna në familje”, nga neni 248 i KPRK-së, ashtu që, i njëjti ka ndërmarrë të gjitha veprimet e nevojshme konform autorizimeve të tij ligjore.
Me urdhër të prokurorit kujdestar, janë intervistuar i dyshuari, ankuesja dhe dëshmitari, me ç’ rast në deklaratën e dhënë ankuesja ka theksuar “kemi bisedu, nuk kemi pas ndonjë problem, më tha shko te familja jote rri ndonjë ditë dhe vjen me më marrë pas disa ditësh, po më tha problem nuk du mem bo në shtëpi, unë i thash kthehem sërish te ti”.
Prokurori i kësaj çështje, pas ndërmarrjes së veprimeve të nevojshme hetimore të dyshuarin e ka liruar në procedurë të rregullt, mirëpo rasti në fjalë vazhdon të trajtohet deri në epilogun përfundimtar të kësaj çështje penale.
(Kosova Sot Online)
