Lexoni edhe:
Kosova dhe Maqedonia e V. rrezikojnë të humbin statusin e vendeve të sigurta
Rasti Krivaqa, Sveçla: Prokuroria dhe gjykatat u treguan të papërgjegjshme, policia e arrestoi 135 herë
Ministri i Punëve të Brendshme, Xhelal Sveçla, ka thënë se ka kërkuar nga Inspektorati i Policisë së Kosovës inspektim urgjent të të gjitha veprimeve të Policisë së Kosovës dhe inspektim i përmbushjes së procedurave ligjore të rasteve të dhunës në familje për një periudhë të caktuar.
Ai këtë e tha pas marshit protestues për vrasjeve të grave.
Por, përkundër se tha se ofron mbështetje të plotë, Sveçla s’u pajtua me diçka.
“Nuk është që pajtohem me çdo parullë dhe kërkesë të tyre. Pajtohemi që është e drejtë e tyre që t’i shpalosin këto kërkesa, por parulla “Ministria ia ka duart me gjak” është çështje për të cilën nuk mund të pajtohem. Policia me një angazhim të jashtëzakonshëm ka bërë arrestimin e këtij krimineli shumë të rrezikshëm. Ai 135 herë më herët është arrestuar. Policia në raport me këtë kriminel është sjellë ashtu siç është kërkuar, por se si janë proceduar lëndët është çështje e hetimit”.
“Por sipas fakteve që janë prezantuar janë dy hallka që janë treguar të papërgjegjshme – prokuroria dhe gjykatat. Rasti i parafundit i këtij krimineli është sulmi ndaj zyrtarit policor me thikë. Pyetja është se si është e mundshme që pas një akti të tillë të një recidivisti ai lirohet nga burgu pas një muaji?”.
(Kosova Sot Online)
