Ç’po i ndodh Kimit të Koresë, në fotot e reja duket më zaif se kurrë më parë

Mediet botërore në muajt e fundit kanë raportuar rreth ndryshimit në dukje të liderit komunist të Koresë Veriore, Kim Jong Un, i cili për një kohë nuk u shfaq fare në publik. Ai mori përsëri vëmendje pas publikimit të disa fotografive të reja.

Kimi u pa më zaif se kurrë më parë, me lëkurën e varur poshtë qafës dhe me xhaketën që i binte e gjerë përreth belit e krahëve.

Lideri i shtetit të largët u shfaq në televizion duke ecur para një grumbulli të nxënësve, të cilët e përshëndetën me duartrokitje të vazhdueshme. Ceremonia ishte pjesë e shënimit të Ditës së Rinisë në Pjongiang, shkruan Daily Mail.

Spekulimet rreth shëndetit të udhëheqësit absolut e nxitën pushtetin që t’i ndalonte thashethemet rreth peshës trupore të tij dhe ti cilësonte ato si “akt reaksionar”.

Në përpjekje për t’i shuar thashethemet, aparati shtetëror u ka thënë medieve se Kimi po ha më pak ushqim “për hir të vendit”, pasi shteti komunist po përballet me uri, duke shtuar se lideri është mirë me shëndet.

1 / 2

2 / 2

(Kosova Sot Online)