Lexoni edhe:
Covid-19 po dëmton sistemin nervor, shkakton mpiksje e dëmtim të enëve të gjakut
“E rrahën dhe goditën në sy të burrit e fëmijëve”, talibanët dyshohet se kanë vrarë policen shtatzënë
Një police dyshohet të jetë vrarë nga militantët talibanë në Afganistan.
BBC raporton se dëshmitarët kanë rrëfyer ngjarjen e rëndë. Gruaja, e identifikuar nga mediet lokale si Banu Negar, u vra në shtëpinë e familjes para të afërmve në Firozkoh, kryeqyteti i provincës qendrore Ghor.
Vrasja vjen teksa në Afganistan raportohet për përshkallëzimin e represionit ndaj grave.
Zëdhënësi Zabiullah Mujaheed tha: “Ne jemi në dijeni të incidentit dhe jemi duke konfirmuar se talibanët nuk e kanë vrarë atë, hetimi vazhdon“. Ai shtoi se talebanët kanë shpallur amnisti për njerëzit që punonin për administratën e mëparshme.
Detajet e incidentit janë ende të paqarta pasi njerëzit në Firozkoh kanë frikë se mund të ndëshkohen nëse flasin. Por tre burime i thanë BBC -së se taleibanët e rrahën dhe e qëlluan Negarin para burrit dhe fëmijëve të saj të shtunën.
Të afërmit treguan murin e mbuluar me gjak në shtëpi si dhe fytyrën e shpërfytyruar të gruas. Familja thotë se Negar, e cila punonte në burgun lokal, ishte tetë muajshe shtatzënë.
Tre persona të armatosur mbërritën në shtëpi të shtunën dhe kontrolluan, para se të lidhnin anëtarët e familjes, thonë të afërmit.
(Kosova Sot Online)
