Kryeministrja serbe: Prishtina po do të na provokojë që ne të përgjigjemi

  • E.K /
  • 23 shtator 2021 - 22:39
Kryeministrja serbe: Prishtina po do të na provokojë që ne të përgjigjemi

Kryeministrja serbe, Ana Bërnabiq, për situatën në veri, po pretendon se autoritetet kosovare po duan të provokojnë.

Sipas saj, qëllimi i këtij “provokimi” është që Serbia të reagojë.

“Prishtina dëshiron të na provokojë që të përgjigjemi, por Serbia ka bërë shumë për të arritur atje ku është sot. Në vitin 2014, si Kryeministër, Aleksandar Vuçiq nisi masa të vështira të konsolidimit fiskal, dhe në vitin 2017, unë inicova gjëra në lidhje me ekonominë tonë, investime në inovacione, njohuri.

Së shpejti do të hapim qendrën më të madhe të zhvillimit të NCR -së amerikane dhe do të fillojmë investimet gjermane dhe japoneze, pavarësisht kurorës. Ne nuk duhet të biem pas provokimeve, kemi shumë për të humbur dhe u dërgojmë një mesazh të gjithë partnerëve se paqja dhe stabiliteti janë të rëndësishme”, thë Bërnaviq.

Në veri të Kosovës po vazhdon të jetë situatë shumë e brishtë, teksa ende nuk është raportuar për ndonjë incident me rëndësi.

(Kosova Sot Online)