Horror në Itali: Djali “fle” prej dy vitesh me nënën e vdekur në shtëpi, që të merrte pensionin çdo muaj
Tronditëse është ajo që ka ndodhur në Milano.
Një 50-vjeçar, mësohet se ka mbajtur kufomën e të ëmës për dy vite në dollap, në mënyrë që të përfitonte pensionin e saj prej 1700 euro në muaj.
Kjo është zbuluar nga e dashura e 50-vjeçarit.
Mediat në Itali shkruajnë se disa ditë pas vdekjes, që ka ndodhur në vitin 2019 për shkaqe natyrore, burri mbështolli trupin e pajetë të gruas dhe e vendos në dollap.
Ai e izoloi dollapin me dyshek dhe objekte të tjera të rënda, në mënyrë që të mos ndihej aroma e rëndë.
50-vjeçari është arrestuar tanimë nga autoritete dhe ka pranuar të gjithë shkeljen e bërë. Ndërsa, trupi i pajetë i gruas, i cili ishte i dekompozuar, pritet t’i nënshtrohet autopsisë, shkruajnë mediat.
(Kosova Sot Online)