Tragjedi: Shpërthimi i fuqishëm në fabrikë i merr jetën 17 punonjësve

E. /
23 October 2021 - 11:27

Shtatëmbëdhjetë persona humbën jetën të premten (22 tetor) në një shpërthim të fuqishëm, në një fabrikë baruti dhe kimike në provincën perëndimore të Rusisë Ryazan.

Shpërthimi katastrofik i mori jetën pothuajse të gjithë turnit e 17 punëtorëve, që ndodheshin në vendngjarje në atë kohë, sipas një liste emrash të postuar në mediet sociale.

Lexoni edhe:

Nga KQZ-ja tregojnë se kur do të fillojë numërimi i votave përmes postës

Sipas agjencisë ruse të lajmeve “TASS”, të 17 punëtorët humbën jetën.

Trupat e 16 personave u nxorën nga rrënojat të pajetë, ndërsa një ndërroi jetë në spital.

Ministri i Punës dhe Mbrojtjes Sociale tha se familjet e viktimave do të kompensoheshin me një milion rubla (12,219 euro).

Guvernatori i rajonit Ryazan, Nikolai Lyubimov, shpalli 25 tetorin ditë zie dhe i bëri thirrje Ministrisë së Situatave të Emergjencës dhe autoritetit rregullator që të kryejnë inspektime të njësive industriale në rajon, të cilat prodhojnë produkte me rrezik të lartë

Një video tregon momentin e shpërthimit, me një top zjarri të madh të verdhë që ngrihet në ajër, ndërsa fotot nga fazat e ardhshme treguan një skenë të shkatërrimit të plotë, me tymin që ende ngrihej nga rrënojat.

Fabrika “Razriad” në ambientet e së cilës ka rënë zjarri specializohet në prodhimin e lëndëve plasëse industriale ndërsa merret me shpërndarjen e municioneve.

Rusia: 16 muertos en una explosión y posterior incendio en un taller de pólvora en Riazán#Rusia #explosión #Riazán #iranpress pic.twitter.com/PjAQdGKCND
— SpanishIranpress (@Spainiranpress) October 22, 2021