Lexoni edhe:
7 muaj nga shkarkimi i 12 ambasadorëve, zvarriten emërimet e reja!
Tadiq: Në Serbinë e Vuçiqit s’arrestohen ata që bëjnë murale të kriminelëve, por ata që i kundërshtojnë
Ish-presidenti serb, Boris Tadiq ka thënë se në Serbinë e Vuçiqit arrestohen njerëzit që i kundërshtojnë muralet e kriminelëve e jo ata që i bëjnë ato murale. Kjo pasi dje aktivistja serbe Aida Corovic është sulmuar dhe më pas arrestuar, pasi kishte gjuajtur me vezë një mural të kriminelit të luftës, Ratko Mlladiq që gjendet në Beograd.
Tadiq ka shprehur përkrahjen për aktivisten duke thënë se kjo është praktikë në regjimin e Vuçiqit.
“Në Serbinë e Vuçiqit nuk arrestohen ata që bëjnë murale të kriminelëve të luftës dhe festojnë për ta por ata që i kundërshtojnë këto murale. E përkrahi Aida Coroviqin dhe të ata që kanë kurajo të kundërshtojnë regjimin që i feston krimet”, ka shkruar ai në Tëitter.
Dje disa aktvistë serbë në Beograd janë sulmuar e më pas arrestuar pasi kishin hedhur vezë drejt një murali të kriminelit të luftës Ratko Mlladiq.
Një grup i protestueve është mbledhur në qendër të qytetit duke kërkuar heqjen e muralit të Ratko Mlladiqit. Murali me fotografinë e Ratko Mlladiqit, i dënuar për krime lufte nga Tribunali i Hagës, ish-komandant i Ushtrisë së Republika Srpska është shfaqur në Beograd. Një ditë më pas një person i panjohur kishte vizatuar gjakun në duart e Mlladiqit, duke aluduar në krimet që ai ka kryer në Bosnje e Hercegovinë
(Kosova Sot Online)
