Perparim Rama-Vitisë: S’e kam problem të jeni pjesë e kabinetit tim

  • A.P /
  • 10 November 2021 - 22:34
Perparim Rama-Vitisë: S’e kam problem të jeni pjesë e kabinetit tim

Kandidatët për kryetar të Prishtinës, Përparim Rama e Arben Vitia po përballen për herë të parë në një debat televiziv para raundit të dytë të zgjedhjeve që pritet të mbahet më 14 nëntor.

Rama e Vitia kanë folur për programin e tyre në rast se do të qeverisin në kryeqytet.

Mes tjerash kandidati i LDK-së dhe ai i VV-së kanë folur edhe për emërimin e drejtorëve në Komunën e Prishtinës.

Rama i tha Vitisë se duhet të jetë më mendje hapur për të mirën e kryeqytetit dhe shtoi se nuk e ka problem që edhe Vitia të jetë pjesë e kabinetit të tij.

“Më vjen keq që kështu mendoni, duhet të jeni mendje hapur për të mirën e kryeqytetit. Unë them se nuk e kam problem që edhe ju të jeni pjesë e kabinetit tim pa asnjë problem, po normal në bazë të CV-së, nëse ka më të mirë, atëherë më të mirët do ta marrin vendin, kjo është ideja që ta nxjerrim nga ky kaos qytetin”, tha Rama.

Vitia iu përgjigj duke i thënë se po flet si kandidat i pavarur.

(Kosova Sot Online)