Lexoni edhe:
Fjalët e para të Steven Gerrard si trajner i Aston Villas
MSH me apel për personat që e kanë kaluar COVID’in dhe nuk janë vaksinuar
Me qëllim të parandalimit të infektimit dhe mbrojtjes nga COVID-19, Ministria e Shëndetësisë u ka bërë thirrje qytetarëve të cilët e kanë kaluar COVID-19 në muajt e fundit që të vaksinohen me vaksinën kundër COVID-19.
Sipas kësaj ministrie, të dhënat shkencore sugjerojnë se ata që e kanë kaluar COVID-19, mund të vaksinohen dy javë pas shërimit.“Imuniteti natyral i fituar nga kalimi i sëmundjes vjen duke u dobësuar me kohë dhe për më tepër, jo të gjithë ata që e kalojnë COVID-19 fitojnë imunitet të mjaftueshëm për t’u mbrojtur nga ri-infeksioni. Prandaj, me qëllim të parandalimit të ri-infeksionit, MSh u bën thirrje këtyre qytetarëve që të vaksinohen”, thuhet nga MSH.
Nga kjo ministri kanë thënë se vaksinimi është mënyra më e mirë dhe më e sigurt për të parandaluar COVID-19, veçanërisht format e rënda të sëmundjes dhe vdekjet.
“Në të njëjtën kohë, MSh u bën thirrje të gjithë qytetarëve që krahas vaksinimit, t’i zbatojnë masat parandaluese kundër COVID-19 dhe rekomandimet e profesionistëve shëndetësor. Mbulo gojën dhe hundën me maskë! Mbaj higjienën! Respekto distancën! VAKSINOHU!”, thuhet tutje nga MSH.
(Kosova Sot Online )
