Lexoni edhe:
Një ligj më adekuat për zgjedhjet për te rikthyer besimin e elektoratit të zhgënjyer!
Kjo ishte Zonja e Parë e Prishtinës
Gazetari, Bajram Mjeku përmes një postimi në Facebook ka publikuar Zonjën e parë të Prishtinës.
Në imazhin e publikuar nga Mjeku, shihet Italianja Stella Velle, e cila ishte bashkëshortja e Hysen Prishtinës, prefektit të parë të Prishtinës, i cili qeverisi me kryeqytetin gjatë viteve 1941-'44.
Sipas tij Zonja e parë u lind më 28 qershor të vitit 1910 në Avellino të Italisë dhe me profesion ishte mësuese.
“Stella Velle jetoi plot 94 vjet dhe ndërroi jetë më 11 maj të vitit 2004 në Toronto të Kanadasë. Zonja e parë u varros pranë bashkëshortit të saj Hysenit, i cili ndërroi jetë më 14 qershor të vitit 1991”, shkruan Mjeku.
Fotografia me Zonjën e parë është shkrepur në Prishtinë midis viteve 1941-'43.
(Kosova Sot Online)
